【Q仔錦囊】內地買樓要注意「五證二書」

百科    

更新時間:2019-10-18 10:18:07

編輯:企劃部

來源:Q房網



    之前都有講過,想係大灣區買一手樓置業,必須確認發展商「五證」齊全。但係「五證」係乜你搞清楚未?「二書」又係乜東東?

    其實「五證」包括︰《建設工程規劃許可證》、《建築工程施工許可證》、《國有土地使用證》、《建設用地規劃許可證》,同埋《商品房銷售(預售)許可證》。

    其中最重要嘅《國有土地使用證》就係代表單位同個人使用國有土地嘅法律憑證,而《商品房銷售(預售)許可證》就係內地政府部門批淮發展商銷售現樓或樓花必須具備嘅證書。

    而「二書」就分別代表咗「住宅質量保證書」同埋「住宅使用說明書」。前者係地產商對所售樓宇承擔質量責任嘅法律文件,而後者就係於出售單位時提供俾用戶,關於住宅安全及相關事項嘅文件。

    要係大灣區置業,拎住「五證二書」就實會有保障啦!

分享